STA ta
STA a reuni cu e trahadonan di Serlimar y esunnan cu a afilia recientemente, caminda cu sinicato ta lamenta e situacion cu ta presentando awor aki. Sr. Diego di Cuba, Presidente di STA cu mas detaye.
STA ta habri pa cambionan semper cu lo beneficia e trahadonan, pero awor aki por mira cu ta bay muda na Pos Chikito cu no ta necesario, siendo cu oficina na San Nicolas, ta den bon funcionamento, sin embargo no tin problema riba e esaki si nan kier muda.
Pero tin problema cu e tema reciclahe unda cu tin un plan na Parkietenbos anto ta puntra pakiko ta bay molestia hende rond di Pos Chikito, siendo cu na Parkietenbos por bin cu e material y haci e mesun proceso di recicla cu cualkier material, palo, herro, glass, alumino, etc. Tur esaki cu kier tuma luga na Pos Chikito ta hacie sin problema na prikibos
Deponemento di sushi cu a cuminsa na Ecotech tin un problema grandi na su tras tambe, siendo cu ta hopi cauteloso caminda cu e ta mustra manera cu tin e intencion pa serlimar desparce of cu ta bay bira Serlitech.
Tin hopi cosnan cu no ta canando bon, unda cu ta contento cu tin hende nobo cu ta drentando den servicio y ta contento cu esaki, pero cu salario hopi mas halto cu esun cu tin hopi aña caba den servicio.
Lider di STA a señala cu tin compincheria y cu esaki mester caba cu tin nos un tiki daña na Aruba tambe, y a cosntata cu tin e caso di 6 empleadonan trahando como part time pa 5 of 7 aña caba, anto ta tuma hende nobo den vass y mester pone punto final riba esaki.
Sindicato tin esaki como prioridad pa resolve e situacion aki y varios reunion a tuma luga den e lunanan cu a transcurri y a mustra nan pensamento, pero e cos a manera cambia di rumbo anto awor aki ta solicitando un reunion urgente cu Minister Otmar Oduber mas lihe posibel pasobra hende di Serlimar ta wordo abusa.
STA ta sostene e trahado cu ta hopi preocupa siendo cu por uza pa e trahadonan e placa cu ta bay tira na Pos Chikito. Tin e pregunta riba kico ta e vision real si ta interes pa e pueblo of interes personal unda a mira cu protesta a lanta caba den bario Pos Chikito tambe, caminda cu si en berdad kier uza pa recicla miho lo keda na parkiteambos ya ta bezig.
Tin un edifico di DTI caba cu cu ta costando un dineral pa complace famia Arends, anto ta bezig cu cosnan robes of kier complace hendenna cu ta sponsor den campaña politico, Si ta ta asina, esaki ta hopi fout. Sindicato no ta den politica y no tin color y ta para pa nan miembronan cu ta e trahadonan di Aruba cu lo sufri cu situacionnan asina.
Ta spera cu Minister lo duna oido na sindicato pa haya un aclaracion y wak con por haya un solucion si en berdad tin necesidad pa bay move na Pos Chikito, of lo por keda na parkiteambos, y e trahadonan ta di acuerdo cu no mester muda tampoco.
Otro punto ta cu Ecotech hasta tabatin un debe di mas cu 3miyon florin na Serlimar y derepente e debe no tey mas y trahadonan hunto cu STA kier haya sa kico precies ta pasando
Pa ultimo sindicato STA kier un aclaracion riba e tema aki di e mudanza y tambe cu tema di e reciclahe. A palabra cu STA cu nan ta cla pa bin cu accion y kier evita esaki, anto pesey mes a manda un carta cu caracter di urgencia na su excelencia Minister Oduber y ta spera pa por reuni diabierna mes of den weekend si ta necesario.