AMSTERDAM, Hulanda- Despues di discusionnan largo, relaciona cu e “zwarte piet”, e aña aki dia 19 di November, ora cu e parada di Sinterklaas drenta Amsterdam, e casi 400 pietnan lo haya un apariencia nobo. Nan lo ta bisti cu pañanan cu colornan fuerte y peluca cu cabeynan golf, poco largo y krul.
Segun Pam Evenhuis, vocero di Sint na Amsterdam, e pietnan mester mustra manera hendenan di miembronan di elite di siglo 16. “Nos a wak hopi potret y esun di e miembronan di e elite Spaño ta esun cu a hala nos atencion mas”.
Pa loke ta trata e schmink, Amsterdam ta mantene mescos cu aña pasa, na color di roechi.
Evenhuis a enfatisa cu e no kier pa e pietnan na Amsterdam wordo asocia na cualke manera cu presonanan for di tempo di sclabitud. Segun e organisacion, e piet tradicional ta cos di pasado y cu e version nobo, a yega un fin na e discusion di piet den e ciudad.
Lo bin seis diferente piet. Durante e parada di sinterklaas lo tin pietnan di schoorsteen, dj- piet, piet cabay, y piet comandante ta canda den cayanan di Amsterdam.
Semper e pañanan pa e pietnan tabata wordo gehuurd. E aña aki a opta pa cumpra e pañanan. Dos aña largo a traha ariba e concepto nobo.
Fuente: https://nos.nl/artikel/