Presidente di Parlamento, drs. Mervin Wyatt-Ras, ta comenta cu durante e acto protocolario riba Plaza Libertador y e Manifestacion Cultural a resalta e aprecio y respet mutuo di di e oradornan. Na e ocasionnan aki a hiba palabra Minister Presidente, mr. Mike Eman y yiunan di Betico Glenbert Croes y GuisetteCroes.
Segun Wyatt-Ras esaki ta alabes locual Betico tabata kier pa su pueblo,esta e union pa para hunto pa un solo causa na defensa di nos pais. Ta di admira con Minister Presidente a mustra respet pa Betico su yiunan, su nietonan y su lucha. Tambe durante e Manifestacion Cultural esaki a resalta. Wyatt-Ras a nota con yiunan di Betico Glenbert y GuisetteCroes ta aprecia e balor cu gobierno ta duna na e estadista yiu di pueblo. Segun Wyatt-Ras esaki ta un bon ehempel cu politiconan Eman y yiunan di Betico Croes ta duna.
Nan ta duna respet na politiconan cu a lucha pa nos pais. Ta di lamenta si cu ta te ora un politico no t’ey mas e ta haya e aprecio,sinembargo aki a duna aki un bon ehempel di mustra respet y aprecio sin distincion politico. Wyatt-Ras tin palabra di elogio pa e organisacion y ta felicita un y tur cu e dia aki.