ENTERTAINMENT
CIUDAD DE MEXICO, Mexico- Den un hecho sin precedente den television Mexicano, e corporativo Televisa a kibra su relacion labora cu e director di cine Gustavo Loza, despues di un denuncia pa violacion di parti di e actriz Karla Souza den un entrevista cu e cadena CNN español.
“Mi a lag’e sunchi mi, pa el a mishi cu mi den formanan cu mi no tabata kier pa el a mishi cumi, y den un di e momentonan ey, el a agredimi violantemente, y si, el a violami”, e actriz Mexicano a bisa.
Souza no a revela e nomber di e director cu a abusa di dje sexualmente na comienso di su carrera, aunke el a describi’e como “persona hopi carismatico cu ta bayendo bon den su carrera y cu ta haci su trabao bon”.
Su testimonio a resona den tur e medionan y rednan social di Mexico. Y den oranan di anochi, durante e transmision di e noticiero En Punto, den prime time, Televisa a sorprende ora cu el a emiti un comunicado unda cu e tabata revela e nomber di e director y su decision di kibra su lasonan cun’e, door di e acusacionnan.
“Door di e denuncianan publico riba e abuso sexual di e actriz Karla Souza, y despues di un investigacion preliminar, Televisa a dicidi di kibra, di manera inmediato, tur relacion cu Gustavo Loza”, segun e compania den un comunicado.
Televisa a expresa su solidaridad cu Souza, su disposicion “pa cu e proceso di investigacion legal lo tin e debido consecuencianan” y el a adverti cu ” el lo no tolera conductanan manera esun denuncia”.