ROTTERDAM, Hulanda – Director di Rotterdam Business School a wordo suspendi pa motibo di posibel iregularidadnan den administracion y facturacion caminda cu eventualmente e lo tabata envolvi. Esaki ta segun Hogeschool Rotterdam, caminda cu e instituto ta pertenece.
E hunta directiva di e scol a haya señalnan riba e iregularidadnan y a cuminsa cu un investigacion. Esaki no a genera ningun resultado, pues a sigui un investigacion mas profundo, cual a tuma luga en parte na Rotterdam Business School.
“Pa haci e investigacion aki cuidadosamente e college a dicidi pa suspende e director. Esaki no ta encera ningun medida disciplinario, pero un medida di ordo pa asina no stroba e investigacion.”
No ta conoci con largo e investigacion aki lo bay dura.
Fuente: De Telegraaf