GUERRERO, Mexico- Manuel Chopin Meza, director di e prizon La Union, den e estado Mexicano Guerrro a wordo secuestra y asesina diabierna, door di delincuentanan desconoci. Esaki a wordo raporta door di e website La Razon.
Segun e medio, e homber a wordo secuestra violentamente pa un grupo arma na un cas den e municipio di Coyuca de Catalán, poco despues di 5 or di mainta. Reportenan di parti di famia ta indica cu tres persona desconoci, cu capuchon ariba nan cabes y bisti na preto, cu armanan di candela a drenta den e cas, a golpia e funcionario y a huy bay cun’e.
Forsanan di siguridad a cuminsa un operacion di buskeda y rescate, y tambe a emiti un alerta pa e centro penitenciario. Poco despues, su curpa sin bida a wordo haya den e comunidad di Jaripo, situa den e municipio di La Union.
E curpa di Manuel Chopin Meza a wordo traslada pa e Servicio Medicio Forense, pa un autopsia, mientras cu a habri un investigacion pa homicidio. E agresornan y nan supuesto motivacionnan ainda no a wordo determina.
Fuente: www.larazon.com