Director di INSAM: Pa 2013 no lo cobra servicio di ambulance na SAC

Despues di basta reunion entre SAC y INSAM a yega na palabracion pa 2013 cu no lo bay cobra servicio di ambulance, sigun directeur di INSAM Joel Rajnherc. Na e momentonan aki tin 7 ambulance den bon funcion cu a caba di haya e servicionan necesario. Ta buscando financiamento ainda pa e dos ambulancenan cu falta.

Pa loke ta e temporada di Carnaval, dr Rajnherc a splica cu a sinta cu SAC y lo laga e situacion manera cu semper e tabata ta, pero na 2014 lo cuminsa cu e cambionan. E presupuesto pa 2013 ta uno krap y mester adapta na e situacion aki. P’esey a palabra cu SAC cu mester cobra pa cierto servicionan. Lo cobra solamente e parti di overtime, pues tur otro servicio ta keda normal ya cu eseynan ta presupuesta.