Muchanan ta biba den dr. Joel Rajnherc su curason. Pa mas di 35 aña el a labora como pediatra y cu hopi amor pa nan. Ora cu e trahadonan di Imsan a sorprende dr. Rajnherc cu e idea pa haci algo pa e muchanan di entre 14 pa 16 aña, el a sinti’e asina orguyoso cu nan mes a ripara cu eynan tin un buraco den e cuido. No den cuido medico, pero e muchanan ta personahenan completo. Bo mester e personahe completo y no un parti. E vision holistico cu nan tabata tin, tabata asina agradabel pe cu mesora el a duna su aprobacion.
Despues el a keda sorprendi un biaha mas, ora cu nan a bis’e cu e no ta bay costa casi nada tampoco. Cu hopi agrado Dr. Joel Rajnherc a apoya e causa aki ya cu tur den Imsan a colabora cu un suma cu na final di dia no tabata exagera y tur hende lo por a zorg pa haci e contribucion te logra e resultado hopi importante pa personal di Imsan y di e personal cu ta coopera.
A demostra ser cu e accionnan aki e cariño y stimacion di tur esun cu ta forma parti di Instituto Medico di San Nicolas pa cu nan luga di trabou pero specialmente e amor y stimacion pa ken nan ta traha cu ta e comunidad y e chikitinnan cu mester ta wordo cuida y proteha den tur sentido.
Finalmente Director di Imsan, dr. Rajnherc a bisa cu hopi humildad u su ekipo di trabou ta esun cu a bin cu e e idea aki y unda cu e lo a sirbi solamente como instrumento pa alcansa e meta aki y cu ta aplaudi nan iniciativa y lo tin e confianza total cu tin hende cu ta traha cu curason riba e causa aki, masha pa bien!