Directiva nobo di Aruba Softball Bond a tene su prome reunion

0

Diaranson ultimo 3 di Januari 2018 manera aña nobo a inicia por a nota cu ASB a ranca sali cu nan Board Meeting tratando diferente punto. Despues di a reparti e puestonan den directiva di acuerdo cu e resultado di Algemene Leden Vergadering di 13 di December 2017, a bay over na trata Plan 2018. Final di October 2017 ASB a entrega su wenselijke begroting na Subsidie Commissie cual ta basa riba un Plan 2018 hopi elabora. Parti di e Plan ta Seleccion Masculino cu lo mester competi den campeonato di CONSURSA 1 pa 9 di Juni na Monteria, Colombia. Tambe Seleccion Femenino cu muy probablemente lo competi na Aruba den luna di October unda Aruba lo “host” un campeonato oficial femenino di CONSURSA despues di mas di 15 aña cual lo bira un atraccion grandi cu confirmacion di 8 pais. Otro proyecto ta Clinica pa umpirenan cu lo tuma luga 22 pa 26 di Januari. Un proyecto bunita ta Liga Special programa pa April. ASB lo apunta 5 ekipo miembro cualnan por reforsa cu tur hungadonan miembro di ASB sin e proceso di overschrijving y lo trece 5 pitcher di alto nivel Aruba pa 4 a 5 siman unda cada ekipo lo wordo honra cu un pitcher. Lo hunga un campeonato unda nos batiadonan lo desaroya nan nivel mirando picheo fuerte internacional manera risingball y dropball den combinacion cu desaroya nos propio pichernan. Pues den tur double header e pitcher internacional por lansa maximo 7 inning. Lansando un wega completo of por ehempel 4 inning prome wega y 3 inning e di dos wega. Nan mester train tambe pitchernan local pa e periodo cu nan ta na Aruba. ASB lo instala pronto un comision cu lo bay dedica na recruit hobennan femenino bou 16 aña y lo percura pa un campeonato U16 femenino cumpliendo asina cu e vision di WBSC y IOC. Separa di esaki lo organisa campeonatonan regular desde Mei den liganan AA y A-Klas masculino y AA femenino. Otro proyecto cu lo wordo dirigi y guia pa nos miembro nobo di directiva Estefano “Fano” Croes ta scoring electronico. Lo percura pa score tur weganan di campeonato den 2018 riba un sistema electronico y mesora resultadonan lo bay ta visibel pa henter comunidad. Aruba Softball Bond ta yama bon bini tambe na Andres Krozendijk y Ramiro “Roy” Geerman otro miembronan nobo di directiva. Terminando ta desea directiva di ASB hopi exito cu nan Plan 2018 y sigur nan ambicion pa logra tanto proyecto den un aña. Boluntad t’ey y animo ta halto. Softball den pleno desaroyo.

Comments

comments