Diabierna tabata tin reunion general anual y un parti tabata pa eligi un directiva nobo. Mirando e cantidad di personanan presente, a kies pa no tene e reunion y ni pa e relato anual pa trata presupuesto y tampoco pa eleccion. A opta pa e relato anual pa trata presupuesto lo yama denter di un luna un otro reunion. Pa loke ta eleccion, e directiva actual ta sigui. Pero ta duna un lapso di tempo unda lo traha ariba un comision cu lo yuda pa bin cu eleccion, y bin cu’n forma cu miembronan por asisti y haci’e posibel. Sra. Sheila Tromp, lider di sindicato SIMAR ta splica.
A sinta cu baluartenan di SIMAR, cu tabata preocupa cu si dado caso e directiva actual no sigui, cual dos a pone nan mes reeligibel, pa a laga SIMAR sin futuro. Den dado caso cu no tin interes pa eleccion, e directiva actual lo sigui y tur a willing pa esey. A sinta cu e baluartenan, a mustra e interes di nan banda pa sinta banda di e directiva actual y esun nobo, pa traha na bienestar di SIMAR como organisacion y enseñansa en general. Ta papia di Jaime Mata, Chando Pieterz, Jose Fernandez Perna, Nel Petrona. E tabata un momento, pa tuma e anochi cu tur esunnan presenta, pa papia y intercambia informacion. Tambe a sondea e posibilidad pa ken ta willing pa forma parti di e comision cu lo bay traha na rebiba SIMAR, con ta trece e miembronan bek cas y con ta haci pa e proximo eleccion. En corto, e directiva actual lo sigui y aki un luna lo yama un reunion general pa trata presupuesto, y cada un tin e compromiso pa motiva pa trece un of dos miembro extra pa e sindicato. E directiva so no ta SIMAR, e miembro tambe ta forma parti di SIMAR y duna nan aporte na e sindicato.
Ta bon pa menciona cu experiencia di SIMAR den pasado, no ta diferente na e SIMAR di awo. Den pasado tambe nan a yega di topa den momento cu directiva mester a sigui carga e organisacion, ya cu no tabata tin hendenan interesa den e puesto, pero no ta mucho involucra cu sindicalismo. Den pasado tambe SIMAR tabata tin un directiva di tres hende so cu mester a sigui carga e organisacion pa un tempo mas y e directiva aki lo sigui carga e organisacion pa un tempo mas.
SIMAR tin un generacion hopi jong den veld, pa nan e cama ta cla caba y nan no mester lucha mas pa loke nan tin. Pero no mester lubida e otronan cu a lucha pa loke tur tin awe y ta p’esey ta sostene un sindicato. Lo no kier pa yega un tempo cu tin un grupo di hende cu ta para pa nan derechonan.
Ta bon pa menciona cu experiencia di SIMAR den pasado no ta diferente na SIMAR awo. Tin un otro generacion pero cu pensamento toch similar. Cu nan tambe a topa cu directiva cu mester a carga e organisacion, ya cu no tabata tin hende interesa den e puesto y no ta involucra den sindicalismo. Tin hopi hende jong den field, cu e cama ta cla pa nan. Pa hopi, nan no mester lucha pa loke nan tin. No mester lubida tur esunnan cu a lucha pa loke e maestronan tin awe. Ta p’esey ta sostene un sindicato. No kier pa yega na un momento unda cu cada hende ta dicidi riba nan mes y sin cu tin un organisacion, segun Sra. Sheila Tromp, lider di sindicato di maestronan, SIMAR.