Simar structuralmente ta sinta cu e minister pa loke ta e creacion di un fundacion. SIMAR a tene dos reunion cu e minister tocante e topico aki, y a splica cu tanten cu e minister no por bin cu e documentacion tocante e cambionan cu e kier, SIMAR no por tuma un postura ni pro ni contra. Sra. Maroeshka Cornelie ta amplia.
E minister a duna di conoce cu e lo crea e fundacion hunto cu directiva di Colegio EPI, cu a duna di conoce di nan banda, cu nan ta interesa den esaki y nan a opta pa traha riba esaki como modelo, segun Sra. Maroeshka Cornelie di SIMAR.
E ta sigui bisa cu e proyecto aki ta wordo considera uno cu ta hopi prematuro ainda y ta depende masha hopi riba cambionan cu kier wordo tuma riba papel y SIMAR mester wak pa sigui cana y por tuma un postura. Tambe nan ta pidi Minister pa ta parti di e proceso, ora cu e minister tuma su decision pa traha ariba esaki.
Desde e ultimo reunion cu e minister, di mas o menos 3 luna pasa, no tabata tin niun tipo di avance ya cu nan no sa si e minister lo a haci su parti. SIMAR ta reuni structuralmente (mensualmente) cu e minister pero e luna aki e minister a bay den exterior y SIMAR tambe tabata tin otro compromisonan importante.
P’esey nan a opta pa keda warda un rato pa ariba e directiva nobo di SIMAR, pa traspasa e trabao y wak si e siguiente directiva ta sigui cu e trabao. Te asina leu, Sra. Maroeschka Cornelie, presidente actual di Sindicato di Maestronan, SIMAR