CIUDAD DI VATICANO, Vaticano- E tribunal di Vaticano diasabra a sentencia e ex diplomatico y pastoor Carlo Alberto Capella, pa cargonan di posesion y distribucion di pornografia infantil, segun Associated Press.
Capella tabata traha como diplomatico den e Embahada di e Santa Sede na Washington, Merca y el a wordo aresta na April ultimo na Vaticano despues di a wordo yama pa interrogación debi cu el a intercambia y tabata tin den su posesion un “cantidad grandi” di pornografia infantil.
Na augustus 2017, Departamento di Estado di Merca a notifica Santa Sede di un posibel violacion riba imagennan di pornografia infantil di parti di un miembro di e Cuerpo Diplomatico di e Iglesia Catolico acredita na Washington.
Despues di cu Capella a wordo yama pa Roma, polis di Windsor, Canada a anuncia e orden di aresto contra di dje bou di sospecho di posesion y distribucion di pornografia infantil riba internet mientras e tabata bishitando un misa riba suelo Canades.
Fuente: RT Actualidad