Aña 2017 a habri cu hopi cu reto y deseonan grandi pa expande y amplia conocemento riba diferente area. Dilailah Croes-Odor conoci pa mas di 20 aña den mundo di beyesa y cu un talento unico dominando e arte como Permanent Make Up Artist, a asisti na un curso interesante y cu exito. Den transcurso di añanan Dilailah e keda tuma cursonan pa keda domina technologia cu ta revolucionando. Den 2016 Dilailah a inicia cu algun curso moderno y nobo y recientemente mester a acudi 50 ora di training na Image Academy na Florida unda Dilailah a logra pasa esaki cu exito. Entre otro Para-Medical Micropigmentation. Esaki mas bien ta un arte unda entre orto pashentnan di Cancer por benificia di dije. Momento cu un pashent ricibi tratamento di CANCER di pecho y wordo someti na un operacion y por ehempel keda sin e aureola na e pecho e tratamento di micro pigmentation por reconstrui esaki practicamente exacto na esun existente y asina mentalmente contribui na e calidad di bida di un pashent. Dilailah a logra master tambe den e tratamento di Micro Needling / Collagen Induction (CIT) y Micro Blading. Esakinan ta mas tratamento specialisa pa rehobenese y minimalisa y kita cicatriz manera acne y stretch marks por completo. Micro Blading ta e ultimo y mas moderno metodo di tattoo artistico di wenkbrouw unda ta implanta pigmento den bo cuero manualmente enbes di usa machin dunando asina un toke hopi natural na e wenkbrouw. Otro Curso pa complementa e pakete di 4 tratamento cu Dilailah a logra acapara y domina ta e “Hair Simulation”. Esaki ta un tratamento conoci como “scalp micro pigmentation” cual ta un forma di tattoo cu un ekipo special cu ta duna e size exacto, e forma y color di e foliculo di e cabey cubriendo asina areanan bashi. Asina pues dominando technologianan ultra moderno cual alabes ta trece trankilidad den calidad di bida di un ser humano.