E directora di Directie Voogdijraad Aruba ta reuni regularmante, un biaha pa luna cu e diferente instancianan social pa cu implementacion di e plan di crisis. Tin diferente punto cu ta wordo concerni na tur e instancianan aki ora ta traha cu keho, anto den caso di Voogdijraad nan semper ta keda busca espacio pa ubica hobennan den situacion precario anto tin cu deal cu diferente momentonan unda no ta facil pa soluciona tur cos y den sentido aki mester e colaboracion di e famianan pa make un hoga miho pa e muchanan. Sra. Aisca Berkemeyer, directora di Directie Voogdijraad ta amplia.
Tin hopi casonan cu en berdad ta rekeri di atencion y nan ta dunando na esey e tempo cu ta necesario. Riba esaki aña pasa a duna di conoce cu tin mas cu 100 casonan similar den problemanan social cua drenta na Voogdijraad. Di un 25 pa 30 casonan nobo di casonan mester a wordo proteha y esaki a tuma luga den e ultimo kwartaal. Esaki ta keda un situacion precario, pero Voogdijraad ta keda haci tur lo posibel y tambe pa e otro casonan.
Mas aleu, Sra. Berkemeyer a agrega cu nan ta wardando pa e begroting 2018 wordo trata pa honra nan peticion y wak si por pone e placa disponibel pa por trece mas hende pa traha den e parti di atras, unda cu riba esaki recientemente Minister di Asuntonan social a bay Hulanda pa pidi refuerso riba e aspectonan social y tur e director di e instancianan aki a cera e cabes pa atende esaki.
Cualkier area cu a wordo traha riba tema social, ta importante ta pa keda traha for di e comienso pa preveni cu un situacion ta bira un crisis, anto na un momento asina y bienestar di un mucha ta core peliger e ora Voogdijraad ta wordo yama aden y mester keda traha hunto riba e area social.
Pa ultimo, directora di Voogdijraad a bisa cu tin basta trabou na caminda pa e añanan cu ta bini, pa yuda cu casonan cu ta pendiente y esunnan nobo cu por presenta. Lo tuma un par di aña pa trece un cambio di e comunidad y e ta rekeri nos tur pa trece e cambio aki unda cu e cifranan aki no ta baha lihe tur e instancianan den Asuntonan Social ta keda den un bon relacion y trahando den conhunto, segun Sra. Aisca Berkemeyer, directora di Voogdijraad.