Diferente entrada hudicial relaciona cu casonan di arma di candela

0

Diamars den oranan tempran Recherche di Sta Cruz conhuntamente cu Ministerio Publico a haci diferente detencionnan. Ta trata di un investigacion andando di caso di arma di candela. A haci entrada hudicial na 3 diferente cas . E adresnan ta Noord Cura Cabai , Rooi Koochi y Washington.  A detene 3 hende homber y 1 hende muher di cual 2 ta Arubiano, 1 Jamaiquino y 1 Venezolano. Durante e entreda hudicial a confisca 2 arma di candela y a bin descubri diferente plantacion di marihuana.
E departamentonan cu a forma parti den e entradanan hudicial ta team di aresto, k9 unit di cuerpo policial y departamento forensico pa saca e evidencianan, departamento di droga y personal di recherche Sta Cruz.
Cuerpo Policial ta sumamente satisfecho cu e resultado. No ta descarta cu lo por tin mas detencion relaciona cu e caso aki.
Ta pidi pueblo pa keda duna informacion na tiplijn 11141. Bo anonimidad ta garantisa.