SICILIA, Italia – Dies persona a resulta herida diahuebs despues di e explosion di un crater di e volcan Etna, riba e isla di Sicilia (zuid di Italia) y shete di nan a keda hospitalisa aunke nan estado no ta di gravedad, Proteccion Civil Italiano a informa.
E heridonan leve ta den su mayoria turista, cu tabata bishitando un di e craternan di e parti zuidwest di e volcan, mas of menos 3200 meter di haltura y shete di nan a wordo traslada na hospitalnan di Catania y Acireale.
Na e momento di e explosion, tabata tin e inmediacionnan di dicho crater, mas of menos riba 30 persona, entre nan algun stranhero, manera e tres Aleman y e tres Inglesnan cu a wordo herida.
Otro ta e vulcanologo di e Instituto Nacional di Geofisica y Vulcanologia Italiano (INGV), Boris Behncke, kende riba Facebook a bisa cu el a sufri algun corta na suc abes y a defini e explosion como “espantoso y espectacular na e mesun momento.”
E heridonan a sufri mayormente contusion pa e impactonan di e piedranan cu a bula den laira y e lesionnan di mayor gravedad ta elleboog kibra y traumatismo craneal, segun medionan local.
E explosion freatico a tuma luga ora cu e lava a drenta den contacto cu un bloki di sneeuw cu tabata tapa e crater.
INGV ta controla constantemente e evolusion di e fase nobo di erupcion aki di Etna, cu a cuminsa dos dia pasa y cu ta mantene e municipionan na su pia, den alerta geel pa e actividad consistente di e volcan, “den potencial estado di desekilibrio.”
E organismo a difundi imagennan caminda cu por aprecia e explosionnan di lava y di shinishi den un crater di e pia zuidoost di e volcan, cu a alcansa 200 meter di haltura..
E aeropuerto di Catania a informa cu pa motibo di e columnanan halto di shinishi a dicidi di reduci na cinco, e cantidad di avion cu ta baha riba su pistanan te cu 9’or di mainta local, mientas cu lantamento di avion lo a sigui regularmente.
Etna, cu su 3322 meter di haltura, ta e volcan mas activo di Europa, ta situa na e parti oriental di e isla di Sicilia, entre e provincianan di Mesina y Catania y su ultimo erupcion a ekda registra, dia 28 di Februari.
Fuente: NTN24