SINGAPUR CITY, Singapur- Cinco marinero Mericano a resulta herida y dies otro ta desapareci despues cu e destructor USS John S. McCain y e barco petrolero Alnic MC a dal den otro den awanan teritorial di Singapur.
E operacion di buskeda y rescate, caminda cu barco y helicopternan di Singapur y Malasia ta participa, no a logra haya e dies marineronan perdi aki mientras cu anochi ta cera den e parti ey di Sudeste Asiatico.
Helicopternan militar Mericano como tambe e Armada y Warda Costa di Singaputr ta participa den e operacionnan di buskeda y rescate.
E vianan maritimo rond di Singapur ta un di esunnan mas druk di mundo ya cu eynan un parti sustancial di e comercio di bienes y di petroleo di mundo ta pasa.
E canal di Malaca ta wordo considera un di e rutanan maritimo mas strategico di e planeta.
E colision entre USS John S. McCain ta e di dos accidente importante di un destructor di e Armada Mericano den awanan Asiatico den dos luna.
Diahubes ultimo Armada Mericano a anuncia medidanan disciplianrio contra di comandantenan di otro barco di guerra, USS Fitzgerald, cu a dal contra di un barco di carga na Juni, caminda cu seis tripulanti Mericano a perde nan bida.
Fuente: http://www.bbc.com