Algun detaye por cambia, pero aña aden, aña ‘fo, e destinacionnan rond mundo tin e reputacion pa organisa un fiesta di fin di aña tur cu tin. Pero sea sigur di planea tur cos trempan pa bo ta na e miho fiestanan y cu e miho bista pa wak e firework. Algun luga ta cobra entrada, cualnan ta caba lunanan adelanta.
Asina ta, laga e conteo cuminsa. Siguientemente, e 10 miho luganan unda cu por biaha pa un Bispo di Aña, inolvidabel.
1. Sydney
Sydney, Australia, ta e prome ciudad internacional cu ta saluda e Aña Nobo pa mei anochi. E gran show di vuurwerk ta tuma luga den e waf di Sydney cu e Opera House y e Harbour Bridge ta duna un background mahestuoso. Islanan den e waf of parkenan na cada banda ta duna un bista espectacular. Un punto na fabor di Sydeny: Ta zomer y bo por probecha di e beachnan, incluyendo Manly, Bondi y Bronte.
2. Hong Kong
E horizonte di Hong Kong ta ofrece e bishitante un bista cu hamas e lo lubida. E vuurwerk ariba Bispo di Aña ta dramatico. E ta ilumina e Victoria Harbour y ta bay laira ariba ritmo di e musica. Bo por wak e exhibicion deslumbrante di un di e hopi hotelnan di Hong Kong cu bistanan excelente, incluyendo Hotel Icon y Park Lane. E multitud ta reuni un paar di hora prome prome na e Star Ferry Pier (Tsim Sha Tsui) pa algun show di teatro, danza y show di circo. Mientras cu bo ta na Hong Kong, bo por bishita Ocean Park tambe, un area di entrenimento hopi gusta.
3. Bangkok
Bangkok hopi biaha ta ofrece un lista di tur e luganan di e miho ciudadnan di Asia su bida nocturno. Mas cu claro, e ta un luga natural pa habri e aña nobo si bo gusta multitud, desordo y fiesta. E Times Square di Bangkok, CentralWorld Plaza ta un di e luganan faborito pa celebracion. Un otro luga popular pa reuni pa Aña Nobo ta Asiatique shopping y entertainment situa na rand di e riu Chao Phraya. Si bo kier continua cu e celebracion un di e barnan impresionante di Bangkok, manera Red Sky of Sirocco.
4. Dubai
E Burj Khalifa na Dubai ta un di e edificionan mas halto, mas yamativo na mundo y mas ainda riba Bispo di Aña. Yegando 2018, e tin e record di e edificio mas halto di mundo y e multitud ta reuni akinan pa ricibi e Aña Nobo, cu un espectaculo di vuurwerk increibel. No mucho leu, Burj Plaza ta un luga un poco mas trankil y popular, vooral pa famianan. Dubai ta hayando e reputacion di ta un destino importante di cumidna pa cual ta posibel pa bay disfruta di e miho restaurantnan manera Cavalli Club Dubai mientras cu bo ta eynan. Y si bo tin pensa di shop, bishita e Dubai Mall, un di e mallnan mas grandi di mundo.
5. Moscu
E hisorico Plaza Cora na Moscu ta duna un di e escenarionan mas frieu pero tambe un di esunnan visualmente mas atractivo pa e exhibicion di firework ariba Bispo di Aña. SI bo kier celebra en grande, cu un poco toque Ruso, e Ritz Carlton na Moscu lo ta e luga ideal. E ta centralmente situa y e tin un bar na e piso ariba. Mientras cu bo ta eynan, bo lo kier wak un di e grafnan mas bishita, esun di e lider comunista Vladimir Lenin, of haci un tour den e relikianan di e tempo di e Guera Friu di e era Sovietico.
6. Cape Town
Cape Town ta un di e ciudadnan mas bunita, situa na Africa y di mundo. E show di vuurwerk ta haci’e ainda mas spectacular. Si bo ta buscando un luga cu dushi cuminda y un bista ariba e festividadnan, check MAReSol, cu ta specialisa den cuminda Portugues. Si bo ta gusta fiesta, Cape Point Vineyard ta un di e di e hopinan pa considera. Saca mayor probecho di bo bishita na Zuid Africa, bishitando e vineyardnan rond di Cape Town (Mescos cu Sydney, Cape Town tambe a caba di drenta zomer).
7. London
E mahestuso London, a lo largo di e riu Thames semper ta ofrece un background pa e vuurwerk riba Bispo di Aña Nobo. E entradanan ta caba lihe den e zona di preparacion oficial, pero ta posibel cu por wak e firework gratis for di e ceronan manera Primrose Hill, Parliament Hill na Hampstead Heath, Greenwich Park y Alexandra Palace. Algo cu no por falta ta un crucero riba e riu den e Monzon Clipper of un otro barco. Un forma perfecto di saluda e perspectiva di un Aña Nobo, ta di bishita un di e pubnan mas antiguo na london, manera e Old Bell Tavern, cu ta sirbi bebida pa adulto desde 1670. Si bo ta buscando un cosecha mas recien di diversion, check e fiestanan tematico den Southbank Center for di 1920 te cu 1990. Mientras cu bo ta eynan, e fanaticonan di Realeza Britanico por bishita Kensington Palace, unda cu Reina Victoria a nace.
8. Rio de Janeiro
Si bo kier un Aña Nobo, cu mas o menos 2 miyon otro alma riba un beach calor, bay Rio de Janeiro. E corant Rio Times a bisa cu e reunion principal riba e beach di Copacabana lo conta cu un variedad di actonan musical, incluyendo e Orkesta Sinfonico Brazilero, cu lo toca durante e show di vuurwerk. Si bo kier diberti den estilo clasico di Rio, bishita Jobi Bar. E ta un luga social den e ciudad, habri for di e decada di 1950. Pa e musica di Samba y Choro, dirigo bo mes pa e Carioca da Gema. Buscando un bon bishita? Bay Vista Chinesa, un pagoda Chines cu ta duna un panorama fantastico.
9. New York
Times Square na Manhattan. E ta sinonimo di Bispo di Aña den henter Merca. Si bo no ta eynan, en persona, toch bo tin chance di wak e bala cay na television. ( E bala a haci su debut na 1907 y tur aña nan ta lag’e cay desde e tempo ey, cu excepcion pa dos aña durante e di Dos Guera Mundial. Otro ciudadnan na New York, maneran Brooklyn, caminda COney Island lo tene su celebracion.
Bronx: Sera aña den style Italiano cu un diner na Zero Otto Nove riba Arthur Avenua. Of check TOsca Marquee riba e East Tremont Avenue.
Queens: SI bo tia mayor di 21 aña purba bo suerte na e Resorts World Casino, e unico casino den e ciudad.
Staten Island: Celebra Aña Nobo den style di Albania na EVE Ultra Lounge, caminda DJ nan ta toca tanto musica Mericano como musica di Albania.
10. Las Vegas
Vegas ta un ciudad cu semper ta yena di luz, pero pa Bispo di Aña nan ta bay tur cu tin. E avenida principal ta cera pa trafico y e publico ta disfruta di un festival inolvidabel. s bright lights year-round, but it goes all out for New Year’s Eve.
Varios casino ta lansa un increibel show di vuurwerk. Bo por boek un paseo ariba e High Roller Ferris Wheel y wak e show na top di e Stratosphere Tower. Boek trempan ya cu pa fin di aña e prijsnan na Las Vegas ta bira dobel.