COLOMBIA – E fuerte ola invernal cu a bin ta registra den mayoria di e pais, a obliga e organismonan di ayudo na ta den un maxima alerta pa e instabilidad di e terenonan y e inundacionnan cu a laga mas di 3 mil famia damnifica.
Na Bogota autoridadnan a revela cu e awasero fuerte a genera emergencia den e zonanan di Bosa San Diego, riba e autopista Sur cerca di Soacha y den algun zona nort di e ciudad.
Den Valle del Cauca e invierno a origina derumbe y inundacion den e municipionan di Roldanillo, La Cumbre, Zarzal, La Union, Riofrio, Cartago, Florida, El Dovio y Ginebra, resultando afecta mas di 500 famia.
Na Bolivar, den e municipio di San Juan Nepomuceno, a desborda tres rooi provocando inundacion den mas di 17 bario y afectando por lo menos 300 famia.
Na Caldas a wordo declara alerta geel na Manizales, pa loke ta incremento exagera di awasero cu a genera e instabilidad di cero.
Di su banda, Bomberonan di Caqueta a reporta cu por lo menos 20 famia mester a wordo evacua na Cartagena del Chaira, debi cu e invierno a ocasiona e desbordamento di riu Caguan afectando por lo menos shete bario.
Na Meta, cinco municipio a resulta afecta pa e desbordamento di e riunan Acaciitas na Acacias, Guejar na Lejanias, La Cal na Castillo y caño Buque na Villavicencio.
E awaseronan fuerte di e ultima oranan a laga mas di 50 famia afecta ademas di e dañonan material, segun e organismonan di ayudo a confirma.
E Via Soberania, cu ta comunica cu Toledo cu Saraventa, Arauca, ta cera door di e derumbenan.
E punto mas critico ta registra den e sector di San Josecito, entre e municipionan di Toledo y Chinacota, via cu ta actualmente completamente blokia pa e deslisamento di piedra y baranca.
E conductornan di vehiculo di carga ta esunna mas afecta, kendenan ta transporta divero poducto agricola y cria entre Norte di Santander y Arauca.
Guillermo Leal, transportador di banana y yuca entre Saravena y Toledo a bisa RCN cu “lastimamente di nobo nos ta keda incomunica, pero loke ta tristo ta e accidentenan di transito cu diariamente nos no ta mira nos dilanti.”
Den oranan di merdia, ta permiti e paso di vehiculo y cu e ciere ta produci pa retira accidente door di e debilidad di e tereno y e imprudencia di algun conductor.
Fuente: RCN Noticias