Whatsapp a caba di anuncia cu e lo bay comparti e numbernan di telefon di su usuarionan cu Facebook y cu e lo permiti cu algun empresa pa manda nan mensahe.
Esaki ta prome biaha cu e compania a cambia su politica di privacidad desde cu el a wordo adkiri pa e red social na 2014
Pero den kico esakit a traduci?
Na prome uga, e lo por hiba sugerencia di contactonan “mas relevante.”
Pero tambe mas propaganda.
Y no ta dificil, algun analista ta sigura, cu hopi usuario ta sinti nan mes “traiciona”.
“Ora cu Whatsapp a wordo adkiri pa Facebook, a sigura cu e permanencia como un servicio independiente,” Pamela Clark-Diskson, di e consulta tecnologico Ovum a bisa BBC.
“Awo nan ta dunando Facebook e numbernan di telefon. Y algun usuario por bisa cu ta un abuso di confiansa.”
“Den cierto modo, ta bayendo atras riba algo cu a bisa cu no por wordo haci,” e specialista a conclui.
Amistadnan “relevante”
E motibo cu Whatsapp a alega pa defende su politica nobo di privacidad tabata pa comparti e numbernan di telefon di su usuarionan cu Facebook, lo sirbi pa blokia e mensahenan no desea (of spam) y controla e abusonan.
E compana tambe a bisa cu nan lo ofrece hende “miho sugerencianan di amistad y anuncionan relevante.”
Y ta cu na momento di dispone e datonan nobo aki, Facebook lo ta capas di conectacto cu otro persona si a intercambia numbernan di telefon y ainda no tabata tin agrega como “amigo” riba e red social.
Con bo por impedi esaki?
Ora cu Whatsapp pidibo acepta e termino y condicionnan di e servicio actualisa, click riba e opcion di “read” pa expande e texto completo.
Un hoki di verificacion den e parti inferior lo permitibo evita pa bo datonan wordo comparti.
Den cualkier caso, Whatsapp bisa cu Facebook lo sigui ricibi bo datonan den algun situacion.
Fuente: BBC Mundo