Diasabra proximo lo tuma luga e di dos campeonato di Aruba Karate Bond

0
RBC Juli 2018
Funmiles-2018

Directiva di Aruba Karate Bond (AKB) ta invita tur su asociacionnan miembro, esta scolnan di karate, pa participa na e 2do campeonato di AKB.

E segundo campeonato ta tuma luga riba diasabra 12 di mei 2018 den Compleho Deportivo Frans Figaroa (Noord) di 2or di atardi pa 8 or di anochi. Na mes momento AKB ta extende un invitacion pa tur otro scol di karate cu no ta miembro di AKB pa participa tambe na e
campeonato aki. Participacion pa miembro di AKB ta costa 25 florin y ‘no miembro’ ta 50 florin. Fanaticonan y publico en general ta keda cordialmente invita pa bin presencia e campeonato aki.

E segundo campeonato aki, igual cu e prome, lo conta un biaha mas cu arbitronan internacional. AKB tin e honor di ricibi Sensei Yanis Venizelos Collado, procedente for di Caracas, Venezuela. Su persona ta un arbitro mundial (World Karate Federation, arbitro PKF Panamerican Karate Federation) y arbitro di e Federacion Venezolano di Karate. E tin un trayectoria largo den karate y desde 1987 e ta dedica su mes na e instruccion y desaroyo di atletanan di rendimento halto tanto den ‘kata’ como ‘kumite’ di cual e atletanan aki (tanto hubenil como adulto) ta forma parti di e seleccion di Venezuela cu resultadonan exitoso.

Banda di tur esaki, Sensei Yanis Venizelos Collado ta director tecnico y presidente di
e organisacion di karate ‘Mukin Shori Karate Kyokai, cu ta afilia na e Asociacion Hapones di Karate (sede na Tokyo, Hapon).

Sensei Yanis Venizelos Collado no solamente lo ta presente na e 2do campeonato di AKB, pero tambe e lo duna un curso pa tur e coachnan y refereenan
local, cual lo tuma luga diabierna 11 di mei na Dojo Konishi, orario ta 5:30 di atardi pa
10:30 di anochi.

Tur coach y referee ta bon bini. Costo di e curso ta 25 florin. Esnan cu kier participa mester confirma esaki na AKB (via [email protected]).

Biniendo bek riba e 2do campeonato, manera custumber, AKB lo percura pa tur categoria
por participa. Ta desea pa cada karateka haya e miho experiencia posibel. Igual cu na e 1e campeonato (den maart 2018), e comision tecnico di COA y ASU lo ta presenta tambe pa haci un observacion di e (potencial) candidatonan pa seleccion.

Pa mas informacion tocante e 2do campeonato, por email Aruba Karate Bond na
[email protected] of yama 7370058 (Sensei Felix Tromp) of 5932002 (señora Janina Werleman), preferiblemente prome cu diahuebs 10 di mei 2018.

Comments

comments

C: Heineken
new india
dvg