Wente Vineyards un biaha mas ta trahando hunto cu Arion Wine Company y Papiamento Restaurant pa su di 12 Torneo di Golf anual, cual lo tuma luga riba diasabra, 8 di April na Tierra del Sol Golf Course, e cancha di golf ganador di premio, diseña pa Robert Trent Jones II, cu un shotgun start cuminsando pa 12:30pm.
Prome cu e torneo mes tuma luga, Eric Wente, e di Cuater Generacion di Productor di Biña y Director di e Hunta di Directiva di Wente Vineyards, lo yega riba e isla pa varios actividad, incluyendo reunion cu doñonan di restaurant, e presentacion di un seminario di combinacionnan di cuminda y biña pa e studiantenan di Universidad di Aruba, ademas di duna un presentacion na e ekipo di Ruth’s Chris Steakhouse. Entre e biñanan cu nan lo ta purbando, lo figura e Wente Vineyard “Charles Wetmore” Cabernet Sauvignon, cual awo ta un biña di asina yama “100% Single Vineyard,” di e Charles Wetmore Vineyard na Livermore Valley. E Charles Wetmore Vineyard ta nombra pa un di Livermore su pioneronan mas prominente, California su prome Comisario Agricultural, renombra pa e hecho cu el a planta pidanan di mata di hopi di Bordeaux su top Chateaux den e Livermore Valley na añanan 1800. E biñero ta situa den e area zuid di e Livermore Valley entre e Arroyo del Valle y e Arroyo Mocho, variando den elevacion di 460 pia pa 735 pia. E biña tambe lo wordo saborea durante e torneo su Recepcion di Bon Bini tradicional pa participantenan y sponsornan, cual un biaha mas lo ta presenta pa Papiamento Restaurant.
Ya pa cinco generacion, famia Wente ta dedica na e arte di produccion di biña y na e filosofia cu e calidad di un biña ta origina den e biñero. Awendia, e Productor di Biña di e di Cinco Generacion, Karl D. Wente ta sigui carga e tradicion familiar di traha biña y sostenebilidad cu ta extende den henter e organisacion, incluyendo tres biñero di estado, esta The Course at Wente Vineyards, The Restaurant, The Concerts y tur otro aspecto di e estado.
E torneo anual di golf di Wente Vineyards – Papiamento Restaurant e aña aki lo ta recaudando fondo pa Fundacion Guia Mi, un fundacion cu ta ofrece proteccion na menornan di edad kendenan a sufri di negligencia, abuso fisico of abuso sexual. Fundacion Guia Mi su trahadornan social ta wordo apunta pa un huez pa sirbi como un voogd familiar; guiando e hoben of mucha, nan famia y otronan envolvi, cu e meta di resolve problemanan familiar pa asina e mucha por biba cu su mayornan sin guia of supervision. Sponsornan local pa e torneo e anja aki ta inclui: Aruba Airport Authority, Aruba Bank, AIB Bank, Albo Aruba, ASD, Complete Logistics, Guardian Group Fatum, Nagico, Oduber and Kan, Plus Accountants, Setar, Garage Cordia, Robertson Fire Protection, Aruba Aloe, AWA, Aruba Happy Rentals, Pro-Tec, Tundruk, y Tri-Bike.
Despues di e torneo, participantenan lo bin hunto na e piscina di e Tierra del Sol club house pa un buffet, prepara pa The Restaurant na Tierra del Sol, y un ceremonia di premiacion cu Sr. Oliver Riding y Sr. James Kiley di Tierra del Sol Golf Course. E premio pa e prome luga ta un biahe ida y vuelta pa San Francisco, CA pa hunga golf y hospeda na Wente Vineyards den e Livermore Valley. Cu mas di 130 participante registra pa hunga golf, nos ta sigur cu e torneo lo ta un dia memorabel.