Diabierna ultimo na momento cu Riverplate, cu ta na di 5 posision, a cay venci, automaticamente Tricolornan di Solito a bira e prome ekipo pa clasifica pa play-off campeonato Division Honor. Cu 28 punto faltando 3 wega mas di campeonato regular, diasabra awor 2 di April pa 6:30 pm e Soldatnan Tricolor lo enfrenta ekipo Hulk di Bubali den Centro Deportivo Guillermo Prospero Trinidad. Un partido sigur importante pa e orguyo berde di Noord, pero tambe pa RCA cu kier gana un bes mas e Copa di e Campeonato Regular. Directiva ta invita e famia grandi pa ban apoya nos hobennan y despues pasa club pa hunto nos cuminsa crea e ambiente festivo di play-off final. Ya caba a haci pedido pa camiseta tricolor y dentro algun siman nan lo ta obtenibel na club. Ban apoya tur nos divisionnan ya cu RCA ta clasificando pa playoff den tur categoria y den mayoria di nan compitiendo pa prome lugar.