Un boletin informativo emiti door di Departamento Meteorológico ta bisa cu tormenta tropical Harvey lo pasa panort di Aruba entre diasabra atardi pa diadomingo marduga. Pero meteo lo no emiti ningun alerta (watch) durante su pasada. E tormenta a forma diahuebs merdia y su centro tabata situa na 13.0 grado noord y 55.8 grado west. Un tormenta tropical debil, 400 km oost di Barbados.
Lama
Na costa noord di nos isla por spera olanan di lama di 4 te cu 8 pia di haltura y na costa zuid olanan di lama di 2 te cu 4 pia.
Awasero
E boletin di meteo ta indica cu ta spera entre 5 pa 15 mm di awasero, pero esaki ta mas ariba e anochi di diasabra pa diadomingo mainta.. Autoridad local y ciudadanonan di Aruba mester monitoria e progreso di e sistema aki y ta ser pidi pa tuma e precaucionnan necesario pa nan siguridad personal y di nan propiedad.