Fundacion ADRA Aruba cu ta un Agencia Humanitario y Comunitario en conhunto cu algun
hobennnan, a dicidi e aña aki pa realisa un Congreso Hubenil titula: Tempo pa Cambio. E lo ta un actividad cu lo abarca temanan hubenil manera: Puppy Love, Sexting, Pornografia,
Alcoholismo, Drogadiccion, Descubriendo bo Identitad, Preparando pa Alcansa Exito,
Malesanan Venerico y varios otro temanan cu lo wordu presenta pa profesionalnan den e area.
Cuminsando Juli 15 pa 21, tur anochi di 5pm pa 9pm, tur hoben di 14 aña en adelante ta invita pa por ta un participante y ricibi e informacionnan cu lo permiti nan conoce e mihor manera pa por maneha situacion di bida. E temanan cu nos lo ta presentando ta a base di statistacanan cu ta mustra cu nan ta esun mas relevante y necesario awendia.
Pa tur persona cu ta interesa den asisti e Congreso aki, bo por cumpra bo ticket na balor di 25 florin na un di e puntonan di benta cualnan ta: Pompstation di Citgo Boulevard y San Nicolaas, Aruba Vision Center, CheckPoint Color. E compra di e carchi lo encera entrada pa henter e siman, un t-shirt y materialnan y entrada pa e Concierto cu lo ta diasabra 21 pa 7or di anochi.
Tin un pagina cu despues di tin bo carchi cumpra, bo mester subi pa por registra bo
participacion. E pagina ta: www.en3amigos.com. Nos ta spera cu cada mayor lo sa di motiva su yiu pa por asisti y di e mesun manera cada hoben, trese bo amigo, bisiña, miembro di famia y cualkier persona pa por forma parti di e 1e Congreso Hubeni: Tempo pa Cambio.
Henter e Congreso lo tuma lugar na Centro Deportivo Libertador Betico Croes na Santa Cruz.