Departamento di Obra Publico ta trece na conocemento di pueblo cu dialuna 28 di januari 2013 lo cera temporalmente e parti di Emmastraat cu ta pasa pariba di Plaza Daniel Leo pa por continua cu trabounan di construccion riba e plaza. En conexion cu e ceramento menciona lo haci un cambio den e trafico den cercania di Plaza Daniel Leo
E trafico biniendo di Emmastraat lo pasa via Kazernestraat pa por yega Havenstraat. Pa haci esaki posibel lo bolter e direccion di trafico den Kazernestraat. Trafico lo por bay zuid so den Kazernestraat. Tambe lo desvia e trafico cu ta biniendo for di Wilhelminastraat y cu kier bai den direccion di Caya Grandi na haltura di Rifstraat.
E trabounan lo tin un duracion di 20 dia di trabou.
Lo cera e caminda menciona pa tur trafico. Lo indica e cambio di trafico pa medio di borchi y heki di trafico.
DOW ta pidi comprencion y disculpa pa cualkier inconveniencia cu e trabounan por ocasiona.
Loading ...
