Campeonato HEINEKEN fast pitch di Aruba Softball Bond ta canando den tremendo ritmo. Manera a splica anteriormente e aña aki a dicidi di hunga den categroia AA masculino un sistema di double header. Esta tur fecha cu e ekiponan topa otro nan ta hunga dos wega tras di otro. Esaki ta trece cun’e mucho mas wega, mucho mas turno oficial pa bateadonan y ta contribui na ekiponan pa nan traha mas pitcher hoben. Exactamente locual ASb a bin ta experenciando cu hopi atletanan hoben y caranan nobo ta subiendo monticulo y ta ricibi e oportunidad di desaroya. Den e categoria aki añanan anterior cada ekipo ta hunga 12 wega y ta drenta playoff. Desde e aña aki cada ekipo ta hunga 24 wega prome cu nan drenta playoff. Den e recta final prome cu playoff den AA tin algun bon wega ainda. Por ehempel diahuebs awor pa 7:15pm na Kudawecha Royal Power lo midi forsa contra e muchanan di Henk Arnold esta Spuiters MIPA cual ta mustra di bira un tremendo serie. Mesun dia na Flatstone pa 7:15pm Pizza Hut Monsters ta hungando contra Macuarima Indians. Macuarima luchando pa clasifica na di 4 luga tin mester grandemente di 1 solo victoria den e double header aki y pues tambe ta un wega di gran interes. Diaranson 7 di September playoff ta inicia den categoria di A-Klas na Kudawecha. Blackhawks lo enfrenta e barberonan di Final Touch den nan serie di 3 wega y pa 9pm Piratas kendenan ta comandando liga solido na prome lugar lo enfrenta Celebrities den nan serie di 3 wega. Pues softball ta den pleno desaroyo drentando e recta final esta playoff. Fanaticada bin mira y apoya cada hungadanan sensacional, batasonan exitante. Domina Bo emocion paso playoff aki ta bay ta hot. Softball a la carga!!!