Diabierna Departamento di Impuesto tin otro orario di servicio na publico

0

Departamento di Impuesto ta participa cu en conexion cu un evento interno pa e personal, tur servicio na e oficina principal na Camacuri y e oficinanan di gobierno na Noord, Paradera, Santa Cruz, Savaneta y San Nicolas lo ta cera pa publico awe diabierna, 11 di augustus, desde 3 or di atardi.

Despues di e ora aki no lo ta posibel pa haci pago of acudi na e seccion di servicio pa cliente. Departamento di Impuesto ta pidi su clientenan pa tuma nota di e cambio di orario pa evita consecuencia indesea. Dialuna, dia 14 di augustus, tur servicio lo continua manera custumber