Dia 26 di maart ultimo a tuma luga e ‘première’ di e UNICEF ‘Kinderrechten Filmfestival. Aki ta caminda Colegio Santa Filomena, klas 5A a gana e filmfestival y lo representa Aruba na Corsou, durante Curacao International Filmfestival.
E hobennan aki lo ta saliendo pa Corsou diabierna 13 di april, pa asina representa nan dushi pais, Aruba. Fundacion Telefon pa Hubentud Aruba kier a extende un invitacion na un y tur pa ta presente na Aeropuerto Internacional Reina Beatrix, pa 12 or di merdia, pa asina duna e muchanan e animo y sosten pa asina nan bay representa Aruba dignamente.
Nos di Masnoticia ta desea e muchanan di Colegio Santa Filomena tur clase di exito na Corsou.