Departamento di Impuesto ta recorda su cliente nan cu diabierna awor, dia 30 di Juni, e
prome termino di pago di grondbelasting 2017 ta caduca. Pa e fecha aki tur cliente mester tin por lo menos 50% di e suma di cobransa di 2017 paga. Esaki ta conta pa e clientenan cu no tin un areglo di pago.
Den caso cu un cliente no paga manera ta wordo rekeri door di ley, e ora automaticamente Departamento di Impuesto lo continua cu e proceso di cobramento. Mescos ta conta pa un cliente cu no a paga suficiente of no a cumpli cu su areglo di pago.
E proceso di cobramento ta encera cu un cliente lo ricibi un aanmaning y gasto adicional di Afl. 10, un ordo di retencion riba salario (“loonvordering”) of dwangschrift. Alabes mester menciona cu e debe di grondbelasting ta aumenta cu gasto di interes.
E proceso di cobramento gradualmente por bira mas severo y tur cos ta depende di con leu e cliente mes ta laga e proceso aki continua. Pues ta keda den man di e cliente pa evita un aanmaning, un ordo di retencion riba salario y/of otro consequencia nan menciona.
Departamento di Impuesto ta recomenda semper pa haci e pagonan na tempo y asina evita gasto extra y consecuencianan indesea.