E aña aki Aruba Domino Bond lo celebra nos dia nacional Himno y Bandera un toke diferente y mas largo. E federacion lo organisa e prome ronda di e torneo cuminsando diabierna awor 10 di Maart cu tres tremendo wega. Pa su mañan diasabra e weganan lo continua mientras diadomingo dia 12 di Maart lo termina e rondanan pre-eliminar. Su siguiente siman esta 17 di Maart lo inicia cu e kruisfinale mientras cu 19 di Maart lo hunga e gran final como tambe pa e di 3 y 4 luga. E cas di domino pa e celebracion aki lo bira Centro di Bario y Deporte Dakota. Aki tur e miho hungadonan den e deporte di domino lo topa otro unda piedra lo wordo bati pa na final saca e ekipo triunfado di e torneo Himno y Bandera. Aruba Domino Bond ta un federacion cu ta organisa nan campeonato di domino tur aña y semper a clausura esaki den gran forma. Mas cu claro Aruba su representacion internacional tambe tey unda nos yega di bay cu e titulo maximo como e mihonan di mundo den e deporte aki.
Un danki sigur na Lotto, e Loteria di Aruba pa medio di Comision di Subsidio cu a subsidia e torneo pa Himno y Bandera organisa pa Aruba Domino Bond.
Cumprando weganan di Lotto, e Loteria di Aruba manera Catochi, Big 4, Zodiac, Wega di Number Korsou, Lotto di Dia, Lotto 5, Mini Mega, Mega Plus y weganan di Raspa bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.