Diabetes, aunke den mayoria di e ocasionnan ta un enfermedad relaciona cu adulto, ta berdad cu tambe mucha por sufri di dje. Ora cu e muchanan ta sufri di diabetes, nan tin cu enfrenta cada dia di mira su amigonan come cos dushi, buscuchi y sinti nan mes no comprendi y diferente, pero danki na e avance y tendencianan nobo di cushina, nos tin e infinidad di opcion pa e muchanan no pasa malo.
Ta existi hopi debate riba e muchanan diabetico por consumi alimentonan dushi sin sucu of no, desde nos punto di bista, nos ta bay duna tur e clavenan cu bo tin pa sa esaki.
Muchanan diabetico por come alimentonan dushi sin sucu?
Bolo, cereal, buscuchi, juice y un sin fin di alimento cu nos yiunan por come den su dia pa dia, tin como principal ingrediente sucu. Esey por ta un di e motibonan pakico obesidad y diabetes infantil ta cada biaha mas frecuente den e sociedad di awendia.
Diabetes ta un enfermedad cu ta consisti cu nos organismo no tin e capacidad di genera insulina cu ta e substancia encarga di sintetisa glucose, pa loke ta keda plama den e sanger y por ta hopi peligroso. Esunnan cu ta padece di diabetes, tin cu ricibi un tratamento pa den e curpa, haya e insulina y no tin e sucu mucho halto.
E glucose no solamente nos ta ricibi traves di sucu refina como tal, fruta, pasta, aros, cerealnan tambe ta componi pa glucose, di cual si por wordo comi den exceso tambe por perhudica e salud di e mucha. Di otro banda, nos mester tene na cuenta cu carbohidratonan, cu ta loke ta bay converti den glucose den e proceso di digestion, ta necesario pa biba y vooral den e bida di e muchanan, pasobra nan ta loke ta bay aporta na e energia pa por ehecuta actividad den nan dia.
Yegando na e cuestion cu si muchanan diabetico por consumi cos dushi sin sucu of no, e respuesta ta si, pero cu moderacion. Nos por realisa nos mesun cos dushinan cu nos yiunan diabetico por come cu productonan natural, sin refina, manera nos por traha un bolo di pampuna of di wortel, cu no tin hopi sucu, pero cu tin un sabor dushi.
Ki ora ta uza sucu artificial
Sucu artificial, manera sacarina, aspartamo, ciclamato of stevia, cu ta wordo bendi den practicamente tur supermercado, aunke no ta hopi recomendabel pa mucha, si por wordo consumi di manera sporadico, di cual nos tin cu dosifica nan hopi bon.
Un aspecto pa tene na cuenta y cu hopi biaha nos no ta haci, ta siña lesa bon e label di e alimentonan cu nos ta cumpra. Den hopi ocasion nan ta purba di bende nos cierto productonan cu no tin sucu, ora cu en realidad e ta hopi diferente, ya cu ora cu nos wak entre su ingredientenan, nos ta mira cu sucu ta un di su principal componentenan.
Biba cu muchanan diabetico, ta un tarea hopi complica, ya cu e muchanan aki cu solamente kier ta mescos cu e resto y no ta compronde cu nan no por come manera e resto di su amigonan. E tarea di concienciacion di e mucha diabetico ta lo mas importante na momento cu esaki no ta sinti su mes diferente na e resto y un conseho cu ta sirbi di hopi ayudo ta cu desde chikito nos siña nos yiunan alimenta cu cuminda mas natural posibel, cu cuminda cu no ta hopi procesa y vooral cu pa mustranan con bon e frutanan ta y cos dushi sin sucu, tambe por ta hopi dushi.
Fuente: http://www.bekia.es/