Despues di un exitoso competencia riba Himno y Bandera, e federacion di esgrima, Scherm Amateur Bond Aruba. (S.A.B.A.) ta bay organisa un campeonato pa celebra Dia di Rey. E competencia aki lo tuma luga diadomingo 30 di April. E competencia lo ta na IBISA San Nicolas y lo inicia pa 10or di mainta. Por cuminsa na inscribi for di 9or di mainta caba.
E federacion di esgrima tin varios actividad durante di henter aña unda nan ta tene torneonan pa nan miembronan. Riba nan calendario nan tin actividad riba Dia di Betico, Himno y Bandera, Dia di Rey, Arubaanse Kampioenschappen, Copa Jerry Gomes y sin lubida e competencia di ABC. Tin tres club activo cual ta Universal Fencing Club, Scherm Club Brazil y Don Bosco Knights.
Un danki sigur na Lotto, e Loteria di Aruba pa medio di Comision di Subsidio cu a subsidia e competencia di esgrima Dia di Rey.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.