Dia 29 di October lo bay tin 2 conferencia di PNL. E ta actualmente ta tumando e educacion over rond mundo, cual ta e Programacion Neo Linguistico. Ta un palabra hopi cortico, cu ta siña bo mente con pa programa bo conciente, bo subconciente, bo inconciente pa siña duna bo mente un miho informacion. Basa riba e conocimento y estudio di PNL, ta bay tin dos conferencia. Un cu ta bay ta durante orario di mainta, cu ta 10’or di mainta pa 12’or di merdia, “Con pa atrae abundancia den bo bida.” E no kier solamente den placa, sino tambe den economia, den bo trabao, den bo famia, den bo salud. Ta tuma un break y pa 2’or pa 4’or, basa riba e mesun PNL, con pa atrae e pareha di alma.
Ta haya hopi pregunta rond, cu si tin pareha caba, cu ya no mester di dje. Pero e no ta solamente si bo mester haya un persona. Si bo tin un persona den bo bida caba, pero e mas importante, e pareha di alma ta e stimacion pa bo mes.
Con pa siña stima bo mes, con pa laga pasado atras, con pa siña pordona y laga e miedo atras. Ta conferencianan di crecemento personal, cu ta bay trece hopi beneficio. E tayernan aki no ta solamente sinta 2 ora y sinta tende e oradonan papia. Nan ta bay duna hopi ehercisio, ta bay duna hopi practica y e hendenan cu lo join y cu tin e oportunidad di tuma e bentaha di bin e cursonan aki, ta bay sali for di e cursonan, cu e tecnicanan caba con pa mehora nan bida.
Segun Monsalve, tin Felipe Corales y Carolina Giraldo, cu ta dos master den PNL. Felipe Corales a studia na Canada y Carolina Giraldo na Merca y tur dos tin nan specialidad. E conferencia ta na Spaño. Tin entradanan obtenibel na cinco diferente caminda y tambe riba e dia di conferencia mes, lo bende entrada na porta.
E pagina di facebook ta Libremente Aruba. Number di celular ta 5922023 y por comunica cu Luisa Monsalve mes. E mes ta dunando informacion. E puntonan di benta ta Panaderia Espiga de Oro, Restaurant Los Cafeteros na Tanki Leendert, Travel Store na Boulevard, patras di Wendy’s. Tin Cas di Cencia na Dakota.
Monsalve ta invita tur hende pa nan marca riba nan calender, dia 29 di October. Ta un conferencia di PNL (Programacion Neo Linguistico). E hermentnan pa for di bo mente, bo conciente, bo subconciente y inconciente, siña mehora bo bida y atrae cosnan positivo cu por trece e felicidad cu nos tur ta buscando.