Departamento di Impuesto ta recorda tur doño di vehiculo di motor cu recientemente a
ricibi un carta di recordatorio pa motibo cu tin debe atrasa di impuesto di vehiculo di motor, cu e ultimo dia pa haci e pago ta 29 di Mei 2017.
E cliente cu ta di opinion cu e informacion den e carta di recordatorio ta incorecto mester yena e formulario ‘Verzoek vermindering motorrijtuigbelasting’ no mas laat cu dia 29 di Mei 2017. E formulario aki ta riba e pagina principal di e website www.impuesto.aw. Cliente ta yena e formulario digital y mand’e via e-mail pa Departamento di Impuesto cu lo percura pa e cliente haya contesta.
Ta importante pa no keda pospone e pago y core risico di haya un cobransa adicional.