Nos bishitantenan cu un interes grandi pa bishita nos mercado y haci nan compras. E biaha aki e fecha ta diadomingo 29 di april en conexion cu celebracion di “Dia di Tera” for di 9’or di mainta te cu 3’or di atardi cu productonan fresco manera fruta cu berdura ta esunnan cu mas lihe a caba durante mercado. Esey ta duna un indicacion cu hopi ta esunnan cu tin e necesidad di nos mesun productonan local manera fruta cu berdura.
Nos ta haci un apelacion na tur nos productornan local mirando awor cu nos a anuncia pa den dado caso cu pa e fecha ariba menciona cu por tin productonan fresco pa tuma contacto cu Santa Rosa y registra. Esaki ta haci cu bo por logra haya un tent pa asina por ofrece bo producto. Mas cu claro tur cosecha tin preferencia y ta mas cu bon bini den nos mercado. Esaki ta e motibo principal di nos Mercado Santa Rosa. Mester menciona tambe hunto cu e fruta y berdura ta bin e carni fresco di nos productornan local. Semper tene na cuenta si cu e regla cu nos ta pone enfasis riba dje ta cu e bestia mester wordo mata na servicio di veterinario cu ta Abattoir. E carni nos mester por reconoce cu tin e stempel oficial di dicho departamento visibel. Pa por bende e carni aki den nos Mercado Santa Rosa e productor mester percura pa tin un freezer cu e temperatura adecuado y bon paketa na e cantidad di kilo of liber desea. E productor mester percura pa pone su carni nan aden durante di e benta. Esaki no tin duda riba dje y nos mester percura pa no tin ningun tipo di desvio pa cu e regla aki. Den dado caso cu esaki nos tuma nota cu algo no ta bon sigur bo no lo wordo permiti pa bende bo producto na ningun cliente di nos mercado. Asina ta tuma bon nota di e exigencianan principal aki pa yega na remarke pa participa den nos mercado Santa Rosa. No duda mes pa esunnan cu ta ofrece cuminda durante di nos mercado percura pa bo carchi di “Gezondheid”. Sin e “carchi berde aki bo no ta wordo permiti pa bende cuminda. Tene na cuenta cu mester yega trempan y pone pa drecha bo tent prome cu e actividad cuminsa.
No lubida nos proximo Mercado Santa Rosa ta 29 di April hunto cu un Opendag y celebracion di Dia di Tera. Por tuma contacto cu nos na tel: 585-8102 y puntra pa Jennifer Games y registra bo producto fresco of cosecha fresco cu bo por tin pa e fecha aki di nos mercado.