Juelle Thode tambe ta MC di Manic Monday Talent Show y a comenta cu Cas di Cultura ta drentando den su di dos temporada. Participantenan por demostra un biaha mas nan talento riba e area artistico. E por ta baile, canto, actuacion, standup comedy, magia, cualkier cos cu por ta un arte, ta bon bini pa bin y demostra nan mes, nan talento den e show aki.
Despues di e prome buelta di e live auditions, lo pasa pa e shownan live, cu ta bay ta cuminsando dia 28 di Augustus, cu e prome live show. Banda di esaki, ta invita di biaha e publico en general pa bin y presencia e prome live show cu ta bay ta dia 28 di Augustus, manera menciona, cuminsando pa 7’or y mey di anochi. Ticketnan ta 17,50 pa cada show y e live show lo ta 25 florin. Cu esey ta invita e publico en general pa bin y presencia e shownan aki y duna aporte na nos talentonan local. Esaki Cas di Cultura un biaha mas como un plataforma pa duna oportunidad nan nos talentonan local pa bin y demostra kico nan tin aden, pasobra Aruba tin hopi talento.
Pa e temporada nobo aki ta bay tin un set nobo di hurado. Cuminsando cu e docente di baile, actuacion y scol di musica, Nicole van Eer. Banda di esey ta bay tin e bailarin y director di baile, Samantha Westera.
Kier haci e show aki mas grandi di loke nan tabata tin caba.
Contrario na e prome edicion di Manic Monday, cu tabata tin 5 diferente show y 4 grupo nobo di talento den cada show, e biaha aki a cambia e sistema. E ta bay ta mas un afval systeem, caminda cu ta cuminsa cu 7 y cada show uno ta bay wordo elimina.
Esey ta pone cu cada un participante lo bay hisa su nivel di participacion, su nivel di presentacion y e persona aki tambe ta crece den su talento cu cada show. Esey ta pone cu e nivel di e show ta mas halto y a bay expande riba nan talento. Por ehempel si baile ta bo talento, kier wak den mas area, con bo ta baila. Nos solamente tap, of djis jazz, pero kico tur bo por haci cu e arte di baile. Kico tur bo por haci den e arte di actuacion. A haci un cambio den e formato, pa asina cada un persona por explora y expande riba nan talento individual.
Esnan cu a participa e aña anterior, no ta nifica cu nan no por participa. Nan por participa, mirando cu nan ta miho prepara pa nan arte. Tur invita pa bin un biaha mas, mandando e aplicacion, pasobra por tene e live auditions nan. Ta bay tin dos di nan dia 3 y 5 di Juli y for di eynan ta bay saca e grupo di 7 actonan cu lo pasa pa e live showsnan cu ta cuminsa dia 28 di Augustus.