Dia 21 di Juni lo tin e Small Business Event cu e aña aki ta bin cu e tema un Era Nobo pa Entrepeneur Environment. Minister di Finanza tambe ta bay presenta un parti di su maneho entre otro areanan. Sra. Maria Dijkhoff – Pita, Directora di Asuntonan Economico ta amplia mas ariba esaki.
E ta basicamente un evento pa companianan di Aruba haya e informacion riba kico Minister di Finanza, Asuntonan Economico y Cultura ta bay trece pa e proximo periodo, den e proximo lunanan y añanan.
Ta bay cuminsa cu e presentacion ta bin cu e maneho nobo di Minister y di e policy. Tur esaki ta bin den e cuadro di diferente actividadnan cu ta bezig unda por ehempel cu a lanta un comision recientemente cu ta yama E investment portal pa bin cu recomendacionnan pa habri un one stop shop digital, pa duna servicionan y permisonan di departamento economico pero tambe di otro departamentonan, pa bay via un portal.
E comision aki ta constitui for di diferente otro instancia y sector priva manera Kamer van Koophandel, Free Zone. Tur esaki ta bin cu e mira pa mehora e clima empresarial na Aruba, locual ta yama e Cost of Doing Business y tin un miho ambiente pa comerciante por bin desaroya nan tipo di negoshinan.
No ta gobierno esun cu ta haci negoshi sino sector priva. E rol di gobierno ta pa facilita esaki y for di dia 21 di Juni den e evento aki ta bay duna hopi informacion riba kico ta bay ta e maneho cu ta bay tin y con lo por haci uzo di e maneho aki.
Ta conoci cu negoshi chikito ta esun cu ta wanta economia mundialmente, anto na Aruba e 93% di e comercionan ta chikito y mediano. Tin varios factor riba e comportacion cu tin hopi comercio cu ta habri pero tambe tin hopi cu ta cera. Esaki ta dificil pa splica, siendo e factornan principal ta cu e sistema di haci negoshi ta cambiando. Ta negoshinan cu no ta mester adapta na e cambionan y e estilo di haci negoshi, no ta solamente kico ta bende sino con ta bende.
Riba esaki ta busca riba e Expo Desk aki di Economic Zaken pa duna orientacion pa guia na e comerciante cu ideanan mas innovativo pa maneha nan negoshi caminda cu awendia e era digital ta manda, manera Facebook, Instagram y esun cu no ta avanza eynan e ta keda.
Hopi biaha e fayo ta e management mes, ora tin un negoshi propio ta un sacrificio grandi y mester tey 24 ora pa dia y no ta mescos cu si ta un empleado cu ta traha 8 ora so. Esaki ta rekeri hopi inversion den sitstemanan nobo, pero tambe inversion riba e personal pa tene nan up date pa por haci un bon trabou.
Ora un persona kier cuminsa un negoshi, no por traha un trabou anto tin un negoshi unda cu si ta bay pa e negoshi mester tuma e risico y bay pe. Pa ultimo por categorisa e size di un campaña cu ta dos criterio, uno ta e cantidad di e personan y di dos ta e capital, caminda cu esaki ta delinea cu otro instancia, unda ta considera cu esun cu tin menos di 10 trahado ta un negoshi chikito y si tin entre 10 cu 50 ta mediano y mas cu 50 ta considera un compania grandi, segun Sra. Maria Dijkhoff- Pita, directora di Directie Economische Zaken.