Dia 14 di November por aprecia un fenomeno natural cu no a wordo registra desde Januari di 1948: e luna lo ta visibel un 30% mas luminoso y un 14% mas grandi, loke ta representa e superluna mas cerca na nos planeta.
Segun NASA ta indica, e evento aki lo bolbe ripiti te cu dia 25 di November 2034. “E luna yen di dia 14 di November, no ta solamente e luna yen mas cercano di 2016, sino tambe e luna yen mas cercano te cu e fecha den siglo XXI,” NASA ta reitera den un comunicado.
E satelite natural lo ta na su punto mas proximo na nos planeta, loke ta conoce como e perigeo, pa loke e lo ta mas grandi di lo habitual y mas briyante den shelo.
E fenomeno ta relaciona cu e orbita ligeramente eliptico di Luna: e satelite ta draai rond di Tera, pero no ta haci’e den un circulo sino formando un especie di ovaal, cu loke ta aleha y ta acerca constantemente na nos planeta. E punto caminda cu nan ta encontra mas aleha di Tera ta conoci como apogeo.
Apesar cu e gran superluna di dia 14 di November ta un hecho poco habitual, si e ta frecuente cu ta registra superlunanan y e proximo lo tuma luga dia 14 di December.
Fuente: NTN24