Pa algun aña caba Parke Nacional Arikok ta organisando e Junior Ranger Camp cu un
enfoke ariba e educacion di nos muchanan encuanto e importancia di nos flora, fauna, historia y balor cultural di nos isla Aruba.
Tur nos Junior Rangersnan tin un pasion pa naturalesa y kier proteha esaki. Stanson Tromp tawata un di nos prome graduado como Junior Ranger na 2012. Den su propio palabranan “E junior ranger camp tawata un experiencia fantastico cu mi nunca lo lubida”. Ranger Stanson ta añadi cu e programa tawata cuminsa mainta trempan cu un caminata largo den parke, nan tawata haya diferente presentacion encuanto reptile, historia basico di parke y mucho mas. “E conocemento cu mi a ricibi durante e experiencia como Junior Ranger ta sirbi actual como e fundeshi di loke mi sa awe y loke mi ta duna como informacion na nos bishitantenan como Park Ranger na Arikok”.
Ranger Stanson a join e team di Parke Nacional na aña 2015 despues cu el a fungi como un boluntario despues cu el a gradua di Junior Ranger Camp.E cambio di Junior Ranger pa Park Ranger tawata fantastico y spantoso, segun Ranger Stanson. E echo cu mi mester a lanta super trempan tur dia y traha cu coleganan dobel di mi edad a ponemi adapta tur dia, siñando mas di responsabilidad, autoridad, y conocemento general. Te cu awe ainda mi ta siñando. E Junior Ranger Camp ta un manera practico unda e muchanan ta explora y siña mas tocante e
conservacion di nos naturalesa.
E proximo Junior Ranger Camp lo tuma luga durante e prome siman di October 2018. Pa mas informacion encuanto nos Junior Ranger Camp por tuma contact cu nos na [email protected] of manda nos un mensahe riba nos pagina di Facebook:
ArikokNationalPark.