UTRECHT, Hulanda – Aunke e compromisonan a wordo haci den e acuerdo di clima na Paris y e calentamento di tera lo keda limita te cu 1.5 grado Celsius, asina mes por spera pa fin di e siglo aki mas cu un tercer di e gletsjernan na Asia lo dirti. Tin e miedo cu lo bay tin mas, segun un investigacion haci na e Universidad di Utrecht cu lo wordo publica den e revista Nature.
E desaparicion di e ijs Asiatico, cu debi na su escala ainda ta wordo yama como e di tres polo, ta preocupante pasobra miyones di perosna den e region ta dependiente di e awa cu ta bin for di e seronan halto aki. E consecuencia di un hisamento di temperatura di 1,5 grado, ta en particularmente funesto pa e gletsjernan den Himalaya y na Tibet. Rond di 2100, segun expertonan di Utrecht, mita di nan lo dirti door cu e regionnan mas halto lo bay keinta mas lihe, compara cu e averahe mundial.
Fuente: www.anp.nl