Encuentro Politico Constructivo tey un biaha mas cu un ronde nobo cu e mesun proposito pa asina sigui educa y informa tur hende na Aruba, en especial e Millennialsnan, pa asina nan tin tur informacion pa asina vota consciente durante eleccion binidero.
E biaha aki a opta pa un formato mas informal unda a invita tur partido cu ta participando den e eleccion binidero pa asisti na un anochi informativo special pa cada partido. Durante cada anochi lo ta bai tin presente varios candidato presente cu por elabora riba topico di interes.
Por medio di e formato aki, e grupo kier brinda publico e oportunidad pa ta mas informa riba e punto di bista di cada partido y alabes na cada partido e oportunidad pa comparti nan punto di bista cu e grupo votado di Aruba.
Prome cu cada evento, lo recorda pueblo ta cua partido ta na turno y alabes duna pueblo en general e oportunidad pa haci nan pregunta via nan pagina di Facebook por medio di un comment bou di e post. Alabes, nos ta brinda tur esunnan presente e oportunidad pa haci preguntanan live y anonimo na e candidatonan. Durante e anochinan aki lo toca
diferente topiconan como educacion, problemanan social, medio ambiente, cultura y deporte.
E grupo di Encuentro Politico Constructivo ta avisa cu pa esnan cu kier atende e sesionnan cu cupo ta limita. Si ta interesa pa ta presente na un of mas sesion por pasa busca ticket na Colab (Ananastraat #4), pa solamente 5 florin. E prome encuentro lo ta cu e partido MEP cu lo ta tumando luga dia 22 di Augustus. Esaki lo wordo sigui pa RAIZ dia 28 di Augustus, POR dia 31di Augustus, AVP dia 4 di September, CURPA dia 6 di September y UPP/PPA dia 13 di September.
Bishita nos pagina di Facebook di Encuentro Politico Constructivo y asina keda up-to-date. Tambe por sigui e sesionnan Live via nos Facebook (https://www.facebook.com/encuentropoliticoconstructivo/).