Despues di control na Sero Colorado, polis a detene damita pa ilegalidad

0

Durante un control na Sero Colorado, polis a bin topa cu un Chevrolet modelo Spark na altura di Baby Beach. Ora cu a yega cerca, por a mira un homber y un muhe den auto. Rapidamente nan a bisti nan paña. Ora a controla, e conductor a bin resulta di ta P. di Colombia, di cual datonan polis a tuma via su rijbewijs Colombiano. El a declara cu e tin un permiso di trabao y tin estadia pa 5 aña riba Aruba. E pasaheto tabata ANGS di Venezuela, cu adres desconoci. El a identifica su mes cu un paspoort Venezolano. Durante control, a bin resulta cu el a yega Aruba dia 3 di November ultimo, y a haya 5 dia pa keda di imigracion. E no por a mustra un permiso valido di estadia. A base di esaki, el a keda deteni. El a wordo hiba na warda di San Nicolas, caminda cu el a keda presenta dilanti di Fiscal Auxiliar. Patruya a tuma contacto cu IASA, kende lo atende cu e dama pa mas investigacion.