Tabata tin un acercamento di e dos organizacionnan aki cu a cuminsa for di aña2012 anto e tabata hopi special unda cu Dr. Joel Rajnherc tabata un di e pilar fundamental pa logra e proyecto aki cu colaboracion directo cu Imsan Aruba cu ta un adelanto. Sr. Mario Mendez, Vice Presidente di Baptist Health ta amplia.
Asina ta cu a wordo anuncia di e cuminsamento cu e organizacon aki proximamente a ta bini servicio di radiacion unda esunana cu ta yega padece di cancer no mester sali di Aruba mas pa por haya e tratamento.
Baptist Health a yega di colabora cu Imsan como consultor ora nan tabata bezig cu departamento di dialisis y posterior cu esaki nan a keda traha den forma cooperativa, asina tambe ora tabata e caso cu e expancion di e kirofanonan y cu e proyectonan actual tambe pa duna e apoyo cu nan experticio riba e topico di salud.
Baptist healt internacional a cuminsa 60 aña pasa tambe den e mesun condicion cu Imsan como un hospital equeño anto awor den actualidad nan a logra di tin 10 hospital, 20mil empleado, 3mil medico y nunca lo mester lubida cu mester cuminsa semper y ta bon pa duna ayudo na entidades cu e potencial pa yuda asina hopi hende manera Imsan.
E medicion y calidad di e servicionan di Imsan tambe ta cay bou e organizacion aki unda finalmente Sr. Sr. Mario Mendez a expresa cu en berdad na Aruba e factor humano ta hopi special anto riba esaki a bisa cu por tin tur e tecnologia pero e componente mas importante ta e factor humano desde e doctornan y enfermeranan pero tambe e cuido na pashentnan, segun Sr. .