Despues di 35 aña por bisa cu no a logra haya un cumprado pa e crane, pa cual APA a keda cla cu un grupo cu lo bah’e y lo bend’e na hero bieuw segun Sr. Jossy Figaroa, director di APA.
Pa basta tempo caba ta papia ariba e crane, despues cu e cargo poort a muda pa Barcadera y a APA a keda cu e crane, pero e ta absolute. Pero door cu esaki tin 35 aña no a logra bende esaki. ASTEC mes tin e crane na Barcadera, no a opta pa bay cun’e ya cu no ta bale la pena.
Pesey a tene un destaho publico pa wak cu lo por tin, ariba mercado, un grupo cu lo kier cumpr’e y locual cu a logra ta si a haya un grupo, pa tumb’e abao pa APA pero contra pago. Ta un grupo so a inscribi y despues di basta negocacion, a logra un consensus cu e grupo. Pa diabierna, si tur cos bay bon e crane lo bin abao.
Ta trata di grupo di tres, cual ta DALTA, AMAST y Lek Sloopwerken, e ultimo aki di Hulanda, cu tin mas conocimento cu nos hendenan y nan lo haci tur e trabaonan necesario pa tumb’e, pero na un manera safe. Den pasadonan tabata tin otro ideanan, cu lo por mantene, un restaurant manera na Hulanda, pero e no ta bay saca e placa bek. E ta hopi placa pa mantene y semper ta keda e riesgo cu e ta bin abao. No kier cu algo asina sosode, pa motibo cu esaki lo caba cu turismo. T
A tene cuenta cu tur e factornan, y a dicidi cu no, no por mantene. Sigur tambe ora cu e barconan ta bin, nan ta wak e crane y ta puntra si ta safe, dus a dicidi cu ta bent’e abao. E companianan cu ta bay haci e trabao, lo bende e material. Esey a yuda cu e prijs toch a keda rasonabel. Na prome instante e prijs tabata hopi halto, pero a negocia y di nan banda nan ta dispuesto pa laga localnan mes haci e trabao, y Lek Sloopwerken lo keda mas como consehero. E companianan aki lo bende como hero bieuw. Niun compania no ta dispuesto pa core cu e gastonan, pa bin busk’e, pa e gastonan di transporte. Pa pa algo bieuw asina,e no ta bale la pena. Y piesanan pa e crane aki no ta wordo traha mas, segun Sr. Jossy Figaroa, director di APA.