WELLINGTON, New Zealand- Segun tradicion popular, ta existi shete maraviyanan di mundo. Sin embargo, un descubrimento nobo, a logra cambia e orden estableci. Segun un grupo di investigadonan di New Zealand, e di 8 maraviya natural di mundo a wordo descubri 131 despues di a wordo dera door di un erupcion volcanico.
Cual ta e maraviya nobo? Specialistanan a sigura cu e terasanan rooz y blanco di e lago Rotomahana, den e North Island, mei mei di añanan 1800, tabata atrae turistanan di rond mundo, segun un articulo publica pa e diario La Vanguardia.
Investigadonan ta kere cu e beyeza aki a desparce despues di un erupcion di e Tarawera Mount, na 1886 y cu awo ta keda na 15 m bou di superficie, un mezcla di lodo y as. Desde awo, nan plannan ta inclui un excavacion pa confirma e teoria, pero pa esey nan ta precisa un estudio arkeologico prome.
Fuente: www.laopinion.com