WASHINGTON, D.C., Merca- Presidente di Merca, Donald Trump, a reconoce dilanti di alto funcionarionan Ruso cu e despido di Comey como director di FBI a libr’e di un presion enorme, pasobra e tabata loco y falta un schroef, segun documentonan publica pa New York Times.
Segun e corant a informa, e documenteo aki ta resumi un reunion cu Trump tabata tin na Washington dia 10 di Mei ultimo, cu e minister di Relacionnan Exterior di Rusia, Serguéi Lavrov.
E noticia di NYT a bin despues cu Trump a cuminsa su biahe di ocho dia pa cinco pais, e prome biahe desde cu el a asumi e presidencia.
Incluso, prome cu e reporte di diabierna, e noticianan di Comey y e recien nombra asesor special pa investigacion di Rusia a menasa di oscurece e biahe di Trump.
E reunion di Turmp cu Lavrov y Kislyak tabata un polemica prome cue noticianan di e combersacion a bira conoci. Medionan di comunicacon Mericano no a wordo invita pa e reunion, pero un fotografo di TASS, organisacion estatal di prensa Ruso tabata den e sala pa por lo menos un parti di e reunion.
E reunion a tuma luga ariba peticion personal di Vladimir Putin.
Fuente: www.efe/www.cnn.com