Despedida di soltera ta caba den tragedia

0

DUBAI, Emiratonan Arabe Uni- Un hoben cu a bay celebra su despedida di soltera na Dubai, hunto cu shete otro amiga a fayece den un accidente aereo. E jet priva den cual nan tabata biahando a cay den suroeste di Iran, segun Associated Press a informa. Den accidente aki tres miembro di e tripulacion a perde nan bida tambe.
Según e agencia di noticia, e avion tabata cubri e ruta entre Sharjah (Emiratonan Árabe Uni) y Istambul (Turkia). Den e avion tabata biahando e futuro bruid, Mina Basaran, di 28 aña, kende ta yiu di e presidente di e ‘holding’ di inversion Turco, Basaran, su shete amiganan y e tripulacion.
Basaran a publica varios potret cu su amiganan riba Instagram, mientras nan tabata disfrutando di nan vakantie den un hotel luhoso di Dubai.
Mina tabata parti di e hunta di directiva di e compania y tabata e sucesora di e negoshi cu tabata inclui real estate.
Habitantenan di e pueblo den cercania a bisa cu nan a wak candela ta sali for di e motor di e avion prome cu esaki a accidenta, segun un informe di e agencia estatal Irani, Mizan.

Comments

comments