Un abuso di mucha no ta djis un castigo si no tin mas cos su tras pa cual aki Sra. Desiree Croes ta duna su punto di bista riba e forma pa proteha nos muchanan.
Nan lo combersa cu Huesnan, nan lo combersa cu Ministernan. Lo purba na nan manera e pakico e castigonan ta asina abao. Parlamento no por bay sinta ariba stoel di fiscal of di Hues, pero locual cu si mester wordo haci ta di keda scucha di pueblo y tanten cu pueblo ta sclama pa husticia pa nos muchanan, nos mester keda pone presion pa respet pa otronan cu ta sinta riba otro stoel. Esaki ta pa nan wowonan habri anto pa wak locual cu pueblo kier pa pasa.
Abuso di mucha, segun mr. Desiree de Souza- Croes, ta depende di e castigo cu e abusado haya. Esey ta loke ta un “vergelding”, un tipo di vengansa y husticia cu bo ta haya cu e persona a haci asina malo, cu e mester wordo castiga pa e actonan cu el a haci. Pero mas cu tur cos, mester purba di evita pa esakinan pasa.
For di investigacionnan internacional ta resulta cu e abusado, mas di 80% di e casonan ta un persona den famia. E ta un persona cu e victima conoce, cu e ta confia, of e tin miedo di dje cu e ta manipula e victima hopi biaha. Cada un di e mayornan, polis, docente, politico mester busca e miho manera pa proteha nos muchanan mas miho posibel. Papia cu e muchanan , wak cu ken nan ta keda, cualke hende cu mishi cu nan, ta algo robes, ta algo malo esaki, y no mester laga niun hende spanta nan. Younan mester por yega na mama y tata pa wak ken a mishi cun’e.
Sra. mr. de Souza- Croes, ta kere cu e campaña contra abuso di mucha mester sigui tuma luga, y a compronde for di Minister Paul Croes, cu esaki ta e intencion. Abuso di mucha lo no caba ni si duna 30 aña di castigo. Si a kita un abusado pa hopi tempo for di riba caya, pero tin mas eyfo cu niun hende no sa di nan. Di tur banda mester ta alerta, purba evita pa esaki pasa mas tanto posibel. Y ora haya e persona cu a comete e acto aki, e mester por sinti e peso di e ley, paso e muchanan mester wordo proteha mas tanto. E castigonan aki mester wordo duna tambe.
Pero e contesta cu Sra. Croes ta splica cu pueblo ta na altura cu e departamento cu tin cu trata un caso asina di abuso di mucha, hopi biaha no tin e ekiponan y un plan di maneho ora e yamada drenta cu no tin profesionalnan cla pa atende e caso di biaha.
Si por prueba un abuso, y ultimamente por a compronde for di e huesnan cu e abusonan por wordo prueba, e puntonan ey ta relevante. Parlamento a bishita KZP y a mira loke nan tin for di e punto di bista di esunnan cu ta traha mes ariba e tema aki. E departamento ta sinti cu nan tin loke nan tin mester pero nan lo kier tin por lo menos tres otro polis cu nan por saca for di riba caya of otro departamento pa bay specialisa ariba e tema aki y haci e trabao aki. Eigenlijk KZP ta trahando bon manera cu nan ta ekipa, pero cu semper ta bon pa tin mas hende.
Pa loke ta trata e meldpunt, Sra. mr. Desiree de Souza- Croes a splica cu esey a pasa ora a trata e ley di Burgerlijk Wetboek y e Invoeringsverordering ta yegando bek Parlamento. Y ora esaki pasa, e Meldpunt lo mester wordo lanta y djeynan por funciona mas miho ainda. E trabao mes ta haci caba, pero ta e invoering so falta. E meldpunt ya caba ta existi pero lo haya e bevoegdheid cu e tin mester.