Pa Sra. Desiree Croes cu ta presidente di e comision di husticia di parlamento a bisa cu awor nan tin un miho bista dicon e castigonan no ta ser pidi mas halto.
A yama Minister y Ministerio Publico pa splica pakico tin discrepancia asina grandi cu por wordo duna y ta wordo pidi. Parlamento a haya un bon splicacion pero no por bay den mucho detaye, ya cu ta reunionnan cu ta tuma luga tras di porta cera.
E splicacionnan tabata en corto, y cada caso mester wak individual, separadamente y mester wak e caso di e abusado, wak tur cos hunto. Ta keda toch cu e peticion pa keda cu e castigonan mas halto. E Minister a laga sa tambe cu e ta bay cu esaki y papia cu su team , pa wak con berdad por soluciona e problema of e situacion, e sentimento cu tin den pueblo. Pero minister a duna di su banda y mira kico por wordo haci.
Segun Sra. mr. Desiree de Souza- Croes, ora Parlamento ta traha of cambia leynan y ta pidi mas castigo cu kier mira tambe cu den e caso aki Ministerio Publico ta cu nan den su beleid. Pero e splicacion tabata hopi bon y pa e siguiente reunion a invita Minister Paul Croes y Minister Michelle Hooyboer.
Lo mester pone mas leynan ariba e ley di 16 aña of mester ekipa e departamento pa haci e investigacion, di biaha ta haya e formula pa trata e caso, pero segun Sra. Desiree de Souza- Croes, lo mester bay duna castigonan mas halto. Den ultimo casonan a bin dilanti cu hopi biaha no tin prueba. Tipo di crimennan aki ta full un “keten”. No mester papia solamente ariba castigo, pero tambe ariba prevencion. Y una bes cu esaki a pasa, pa haya e pruebanan. E ta full un situacion compleho. Mester compronde kico ta pasando, y pa esaki ta pidi mas transparencia y mas informacion mester bini for di e Departamento, pa cada hende por sa kico nan mester haci y di kico por spera.
Por ultimo Sra. mr. De Souza, a bisa cu mester bay bek na lo basico, papia cu tur e actornan den locual ta e proceso den caso di abuso di mucha.